如果無必要,不要在國內公眾假期日子返大陸.
上個星期雖然五一, 但仍要出job去廣州及上海
其實我都幾習慣往返國內, 但未試過向大城市, 仲要加埋世博開幕...
不過, 呢個星期既經歷,只可用'忟'來形容...
- 上地鐵永遠唔按指示排隊, d人未出就已經衝入車箱 (其實宜家香港都有d咁既現象);
- 其實佢地對排隊係無concept既, 基本上無指示要排隊既地方買野/食野, 你太有禮貌既話你呢一世都唔駛指意買到/食到;
- 無論地鐵車箱人多定少, 總會有個乘客攬住/挨住支扶手, 你點懾隻手埋去都無反應;
- 如果繁忙時間, 你基本上唔'批掙'係無可能入到地鐵;
- 的士拒載 (後來我醒目左, 上左車先講去邊加埋死都唔落車);
- 如果你要問野(無論係機場/商場/街), 你總係會被refer去某個地方然後不斷重複, 直到你火起去返你第一次問野既地方狂躁症咁樣係咁鬧, 佢先至開始認真思考並發現佢係可以回答你既問題既...
其實, 中國大城市自居可與歐美看齊, 但人民d質素真係令我覺得好厭惡. 最令我唔開心既係, 向呢d城市你要生活, 你必須要某情度常被同化(如'批掙'才入到地鐵), 我真的不想自己變成一個無禮貌既人.
不想被同化, 卻又希望感受一下中國大城市的生活, 同埋有'上大陸賺呢d暴發户既錢'既心態... 我個人真係好矛盾...
下回講下上海d樓... 都係呢個trip幾有感受既一個話題.
